يا برقه وين الرجاله ؟ -شعر شعبي-
كتبهاالبرقاوي ، في 27 أبريل 2008 الساعة: 00:07 ص
يابرقــه وين الرجــاله ؟
حالتك حاله
بترولك سرقوه قـباله !
يابرقه !
بترولك سرقه القـــذافي
ماهو خافي
أمر اليوم حقيقي صافي
مايحتاج كــلام صحافي
حكم أفعاله
فقـر وغدر وزاد رزاله
يابرقه !
يابرقه وين الرجـــاله ؟
حالتك حاله
بترولك سرقوه قبــالــه !
بترولك سرقوه عصابه
موش غرابه
القــــذافي ومعــاه كــلابه
في بنوك الطليان حسابه
غادي شاله
يبزعق فيه هو وعياله !
يابرقه !
يابــرقه التاريخ ينــادي
وين أمجادي ؟
لمرابطين مع السعـادي
هلي أمس أحرار بوادي
اليوم في حاله
تحت القذافي وأنعـــاله
يابرقه !
يابـــرقه حــــالك بكاني
اليوم تعاني
في يدين الطاغوت الجاني
حكمه أشر من الطلياني
حكم سفاله
تشنيق ومافيش عـــداله
يابرقه !
يابرقه لمعـــيشه زرقه
اليوم الـسرقه
عيني عيــنك ماهي درقــه !
نوضي نيين عجاجك يرقى
دولي داله
ع الطاغي المجرم وأنذاله
يابرقه !
يابرقــه وين الرجــاله ؟
حالتك حاله
بترولك سرقــوه قباله !
يابرقه !
شعر : سليم نصر الرقعي
ـــــــــــــــــــــــــــــــــــــــــــــــــــــــــ
التصنيفات : غير مصنف | أرسل الإدراج | دوّن الإدراج


























يونيو 24th, 2008 at 24 يونيو 2008 5:21 م
وانا أبدوى من برقة…. الولاية التى ضيعها الاستعمار واعوانه/ الفايدى
أغسطس 24th, 2008 at 24 أغسطس 2008 6:10 ص
يا برقة وين الوحدة حدك حده
الي جاي يفرق من مدة
ويفرق بين فزان ولبدة وزاد سفالة
هلي بانن فيك شين افعلة
ويمجد فيهم بوه وجده بالقاب بسالة
وهو ماعنده فيك الا الرزالة
ويا برقه وين تريسك هلي في قيسك
حطوا روس بين اجباله
وتموا جبال ضناك وسيفك سيف الحق مو سيف اهباله
القذافي الي جاك بياسك بحكم هباله
وكتاب اخضر مكتوب بعجالة
أغسطس 24th, 2008 at 24 أغسطس 2008 6:15 ص
قال احد شعراء ليبيا
إلي ما تردى مات اعيال هلك يا ضان وينهم
وبالرغم من انها غناوة علم من سطر واحد الا انا تختزل ما حل بليبيا في فترتين مريعتين من تاريخ ليبيا المعاصر وهما فترة الاستعمار الايطالي وفترة النكسة الثورية الا ان الثانية كانت انكى وذلك لان الطليان هم اعداء الدين والوطن ولاكن الثانية من من ينسب نفسة الى الوطن والوطنية
أغسطس 27th, 2008 at 27 أغسطس 2008 2:27 م
جيبو ا شعر زين زي الناس
ديسمبر 24th, 2008 at 24 ديسمبر 2008 11:33 م
والله كل شىء حلو فى هل المدونه